Loke matan mai ami oan terus na'in (EsPreSaun PoéTika XVI)

Loke matan mai ami oan terus na'in

.

Na’i emboot,
Tau matan didiak ba ami kiik sira
Rona netik ami lian

Liana’in povu nian iha uma fukun
Tau matan didi’ak ba ami nia halerik
Keta ko’alia deit tuir imi nia hakarak

Tau matan ba povu
Ko’alia tuir dalan
Respeitu desijaun
Hakru’uk ba lei
Ne maka ami husu

Keta haksisuk deit ba dollar hodi habokur imi aan
Dolar mós ba povu leet hodi haree sira
Keta tur deit iha kadeira mamar to’o matan dukur
Haka’as to’ok aan loke imi matan hodi haree ami