(Poezia ba Sete de Dezembru)
Dalan Loos Ida De’it Ukun Rasik-an
Loron Hitu fulan Dezembru
Dadeersan rai hun mutin
Ró-ahi tiru husi tasi
Tanke de gerra husi rai maran
Aviaun bomba, parakedista suli tun husi loro leten
Maubere matan-foun, hakfodak tama ai-laran.
Ema be mate, mate daudaun
Ne’ebé moris, halai nafatin
Husik hela inan-aman, kaben oan no parente
Ida-idak halai buka nia moris.
Halai ai-laran lakohi fila
Hamlaha to’o mate lakohi rende
Dalan loos ida de’it ukun rasik-an
Mate ka moris anti integrasaun!
Ran nakfakar tuir dalan ninin
Ruin namkari lemo rai laran
Xumasu ai-abut biti ai-kulit
Mate ka moris ukun rasik-an
Ne’e mak isin no klamar Maubere nian
Tuba rai metin, lakohi tabele ba ema seluk
Lakohi integrasaun maske autonomía
Dalan loos ida de’it ukun rasik-an.
Dalan Loos Ida De’it Ukun Rasik-an
Loron Hitu fulan Dezembru
Dadeersan rai hun mutin
Ró-ahi tiru husi tasi
Tanke de gerra husi rai maran
Aviaun bomba, parakedista suli tun husi loro leten
Maubere matan-foun, hakfodak tama ai-laran.
Ema be mate, mate daudaun
Ne’ebé moris, halai nafatin
Husik hela inan-aman, kaben oan no parente
Ida-idak halai buka nia moris.
Halai ai-laran lakohi fila
Hamlaha to’o mate lakohi rende
Dalan loos ida de’it ukun rasik-an
Mate ka moris anti integrasaun!
Ran nakfakar tuir dalan ninin
Ruin namkari lemo rai laran
Xumasu ai-abut biti ai-kulit
Mate ka moris ukun rasik-an
Ne’e mak isin no klamar Maubere nian
Tuba rai metin, lakohi tabele ba ema seluk
Lakohi integrasaun maske autonomía
Dalan loos ida de’it ukun rasik-an.
~*~*~*~*~*~*~*~*~*~*~*~*~*~