Economia Antiga (Espresaun Poétika - Fernando Sylvan)

Cacau

Chá

Café

Açucar

Algodão

Borracha

Tabaco

Ouro do colonizador

Sepulturas de escravos sem uma flor.
=========================

tradusan ba Tetun hosi ha'u:

Kakau

Xá

Kafé

Masin-midar

Kabasrahun

Borraxa

Tabaku

Osamean kolonizadór nian

Atan sira-nia rate laiha aifunan 

~o0o~

1 de Maio de 1972

Fernando Sylvan, A voz fogueira de Oan Timor, Edicoes Colibri, Lisboa, 1993

Knananuk ba Na'i Ulun sira (Espresaun Poétika LXXVIII)

Se tilun rona ba tatoli foun

Loke matan haree ba progresu

Hananu halerik tun hosi foho

Husu sisi na'i-ulun atu tau-matan.

Knananuk kantiga tutan mai ita
Hananu hatutan sa'e ba leten
Sa'e ba leten ba na'i-ulun tilun
Se tilun hodi rona tetu netik ba.

~o0o~

Vizita Hilarry Clinton mai Timor-Leste

Kaer liman de’it ba lalika re’i!
-

Hillary Clinton hala’o vizita mai Dili Timor-Leste (6 Set.2012), hodi haree situasaun rai laran no hodi hametin liután relasaun entre país rua. Depoizde hasoru malu ho Primeiru Ministru no Membru Governu sira, Hillary mós ba vizita Kooperativa Kafé Timor.

Dezenvolvimentu Oinsá mak ita hakarak

Governu ida ukun, sai tiha ida troka fali, sai tiha ida troka fali, maibé ninia lala’ok hanesan de’it, sira promete katak atu hadi’a povu nia moris maibé realidade ita ladún haree, povu ki’ik halerik nafatin ba ESTRADA no BEE-MOOS, SASÁN FOLIN KARU, no seluk tan. Estrada ku’ak kintu-kantu , sira só hadi’ak estrada prinsipál sira iha kapitál Dili maibé sira la tau-matan ba bairru sira hanesan Taibese, Vila Verde, Tuana-Laran, Matadouru etc. Sa tan estrada sira ba distritu to’o sub-distritu nian. Ho ida-ne’e ha’u sujere ba Governu liuhosi Ministériu Obras Públika atu kria mekanizmu ida hodi harii Ekipa Manutensaun ida atu nune’e bainhira estrada ruma ku’ak ka kotu tanba dezastre naturál ekipa Obras Públika ne’e bele ba hadi’a ho imediatu. Lalika hein loloos tender para kompañia sira tenke hadau malu ba hatama lai proposta, bainhira mak hetan aprovasaun, no bainhira mak kompañia vensedór ba tender ne’e bele tun ba hadi’a. Prosesu ne’e han tempu liu no halo povu halerik ba beibeik. Se lae Governu bele harii uma andár be boboot mós povu ki’ik sira sente benefisiáriu ba sira seidauk iha. Povu haree liu ba estrada atu nune’e sira bele hadi’a sira-nia moris liuhosi atividade merkadoria. Estrada no bee-moos mak ezijénsia boot povu nian.