Xapeo ida, satan loro manas
Futu-kabun ida, kesi metin
kalsa
Karteira ida ba doit rahun ruma
Pasta ida ba nesesidade loro-loron nian
Haloot mós bua ho malus.
Relójiu ida hodi hatene oras
Telemovel ida hatutan komunikasaun
Kámera ida hodi grava atividade
Sasuit oan ida sui ha’u-nia fuk
Lalenok rohan ida leno ha’u-nia oin
Kabeer ka lae furak
ka lae?
Bonitu ka lae jeitu ka
lae?
Kelu mutin ida futar kultura nian
Kadeli mean ida testemuña
sakramentu kaben
Xinelus par ida kalsu ha’u-nia ain
Tuasabu kopu ida hamanas fuan
Kafé xikra ida hadók matan-dukur
Tabaku lulun ida hodi akompaña
Iskeru gas, saseluk ba fatuk-ahi tradisonál.
Lanterna ida fó roman ba nakukun
Óklu metan ida satan rai rahun
Oklu matan-at hodi lee sms, lee mós notísia
Tersu no Bíblia hametin ha’u-nia
fé
Feto kmesak ida, Na’i harakik mai ha’u
Labarik na’in-haat, rezultadu domin.
Belun di’ak lubun, mak haburas amizade
Estrada sorin karuk tuir regra tránzitu
Dollar amerikanu tuir komprimísu Estadu rua nian
Atu hetan nia, sei dolar tiha lai.
Paun manas Leking Thai,
Tai tai tai eh, tai Leking Thai
Fehuk, talas, ai-farina mai hosi foho
Keju manteiga mai hosi li’ur
Modo tahan merkadu Taibesi
Ikan matak tasi Timor nian
Fos mutin hosi rai li’ur
Fos rai nian moris iha rai laran
Masimidar hosi rai li’ur
Masimer hosi rai li’ur
Masin ka’ut hosi Balak Manatuto
Masin fatuk Laga Baucau
Aumenta tan kulu-gisa nawa, ai konta mata.
Tua-mutin tun hosi Dare, hosi mós Balibar
Hemu lanu karik toba tiha de’it
Tua-sabu, banibeen hosi ha’u-nia knua
Roupa obralan hosi rai li’ur
Tais, kaibauk, belak no surik…
Soru no tuku produtu rai
laran
Iha tan seluk, no seluk tan…
Ha’u bele hananu maske vos la furak
Hananu la bá, hakfuik tuir fali.
~o0o~