Saturday, October 21, 2017

Matan Moris Neon Na’in (e.p 117)


Oan, ó boot daudaun ona
Prepara an hasoru dezafiu
Aman ha’u halai dala-tolu ona
Setenta-sete, noventa-nove, doizmil-seis

Oan, ó klosan daudaun ona
Haree prepara an
Prepara bukae,
Keta ses hosi ha’u sorin

Oan, halót o-nia sasán
Ita sei halai dala-ida tan
Ita la sa’e motór, la sa’e Prado
Ita sei halai ho ain tanan.

Oan ... 
Hakmatek ba, se tilun netik
Tuur matan moris tuur neon na’in
Tarutu lian karik ita sei halai.
~o0o~

No comments: