Atuasaun membru PNTL ho
FDTL balun mak la tuir lei. Povu liman mamuk sempre sai vítima ba instituisaun
2 ne’ebé tuir loloos sira nia funsaun nu’udar “lutu nasaun nian” hodi fó
protesaun ba Povu no Pátria. Iha Outubru nia laran, problema ki’ik ida mosu
entre joven oan hira iha bairru 1 de Setembro, Matadouro, Iha kalan tuku 9 ba
leten problema ne’e anin hu sala tiha ba Polísia Militár nia tilun. Teki-teki
PM to’o ho karreta isin ida, joven ne’ebé envolve problema halai lakon tiha, PM
kaptura fali joven sala-laek na’in-2 hodi ba investiga no baku to’o dolar afoin
entrega fali ba família. Novembru semana kotuk, membru PNTL ne’ebé halo reforsu
ba asaun pasífika hosi movimentu universitáriu sira, membru PNTL sira kaer
joven demonstrante sira, baku tebe tuku to’o monu tun ba rai lori ba detein tan
iha sela. 18 de Novembru domingu madrugada tuku 1:30 mambru Polísia asasíniu na’in-2
tiru mate joven na’in tolu no hakanek na’in-5 inklui joven feto 1 iha Kuluhun
de Baixu durante serimónia koremetan ida.Tan de’it polísia mal-formadu, mal-edukadu
na’in-2 ne’e, ita-nia joven na’in-3 tenke lakon sira-nia vida para sempre. Ha’u
koñese Arguidu JM, tempu Indonézia nia mós nu’udar kantór lokál ida, múzika ne’ebé
nia kria no nia na’in hananu rasik mak: “Mane klosan liman kabun boot nusá la
serbisu, hakarak sai manu ain”, etc. Oras-ne’e eis vokalista JM tenke detein hodi submete ba prosesu tribunal
no bele koko to’ok midar-moruk Koléjiu Becora nian. Deskansa ho hakmatek Alin
na’in-3! Imi nia mate, ami nia matabeen.
Rekadu, dadolin ritmu Timur nian, mai ita haburas ita Lian Tetun, mai ita banati Tetun INL.
Tuesday, November 20, 2018
Monday, November 5, 2018
PN kansela ona Viajen PR ba Vatikanu
Parlamentu
Nasional kansela viajen PR nian bá estranjeiru dala-4 ona: bá Portugál, Estadus Unidus, Indonézia no bá Vatikanu atu hodi konvida Amu Papa mai vizita TL, ida-ne’e
tristeza boot ida ba sarani tomak tanba iha antusiazmu tebe-tebes atu hasoru
Amu Papa, infelizmente na’i ulun sira iha Uma Fukun Parlamentu Nasionál la fó
dalan. Sira kansela rekrutamentu ba membru Polísia foun ho razaun katak
orsamentu la sufisiente. Sira harii mós Komisaun Inkéritu Parlamentár ida hodi
investiga kompañia atus-haat resin ne’ebé seidauk hetan pagamentu, manobra polítika ne’e atu hodi poupa orsamentu
hodi sosa lai prado ba sira-nia an.
Kona-ba projetu
atus-4 resin Komisaun Inkéritu Parlamentár presiza separa projetu ne’ebé iha BOQ no projetu
ne’ebé laiha BOQ. Ba projetu ne’ebé hala’o nia knaar tuir BOQ, nia iha direitu
100% atu hetan pagamentu tuir ninia
kualidade de obra, ba projetu ne’ebé la hetan BOQ, mai ha’u no coment.
Subscribe to:
Posts (Atom)