Telemovel Modernu
Para lai kose-kose, fihir lai mai
Ita-rua tesi-lia hanesan kolega, nu’udar belun
Hateke mai ha’u, oin-mamar uitoan ita dadalia
Ó kaer mesak nia, ó lamas bamai bele matandukur
Hamnasa mesmesak hanesan bulak
Ko’alia mesmesak nu’udar fulan-lotuk
Tansá la taka uitoan, deskansa lai?
Husik nia malirin livre uitoan!
Ita-rua dadalia, konta ho istória sei furak liu
Istória antiga, tama tan komik ruma
Piska matan dala-ida hamnasa tiha
Hamnasa hahaek, korrente amizade metin liután.
- oOo-