Babain De'it
Hori kalan ha'u hasoru ó iha ha'u-nia mehi
Mehi furak naresin lahanesan baibain
Ohin dadeer hetan kois lalatak hosi ha'u-nia óklu
Óklu metan kmo'ok be ha'u taka baibain
Kalohan nu'u kabasrahun bobar netik ha'u-nia oin
Kabasrahun semo tuir anin hanesan baibain.
Hosi kotuk rona kois lian ida bolu ha'u-nia naran
Naran estimadu nu'udar baibain
Ha'u fila kotuk hateke rai mamuk
Rai mamuk rai luan hanesan baibain
Moris iha mundu baibain lerek
Lalika foti an, tan loron ikus Na'i mak sei foti.
~o0o~
