Udan boot turu tun - bee sulin sobak
bibi luhan
Bibi-atan haluha - satan bee merak
Raihenek foho - sena tama lurón ninin
Tahu teen nakonu - sulan kanu ku’ak.
-
Oras batar matak - lakeru dikin nurak
lasu vontade
Lasu kan batar matak - lakeru dikin no
pipinu
Fos mutin tasi-balu - folin sa’e liu
Na'i ulun hateke tun - hanesan lahatene.
-
Maun alin haree malu - kuidadu saúde
Aimoruk hospital - kuran liu ona
Pasiente barak - mak doutór foti liman
Ministru de'it sei mate - sa tan povu ki’ik.
-
Povu doben rai ne'e - terus la nahas
Fukun ida ladauk hotu - mosu fukun foun
Hosi aimoruk - tama to’o Naktuka
Lahatene loos - sai hosi Naktuka hakat
ba ne’ebé.
~::~
