Ha’u Hakarak Tan Dala-Ida (e.p 154)

Perdua malu iha loron ida ohin

Wain ida ohin la loron leet, loron korezma

Halo sala buatruma perdua tiha

Katak sala lia ruma hamoos tiha

Ha’u hakarak tan, udan boot tun mai

Manu falur mutin hariis udan

Semo tun valeta nani ho lixu

Hisik liras maran tiha, semo loro leten

Semo bá loro leten fihir tun rai

Matan ikun ba sentru hamoos lai sira

Liman badaen no liman malandru,

Hahalok fo’er no kakutak na’okten…

Ha’u hakarak tan dala-ida!

-o0o-

Produtu Lokál Ha'u-nia Knua (e.p. 153)

Produtu Lokál Ha'u-nia Knua

Aifarina fehuk-midar  tama ho talas

Goiabas abakat derok sabraka

Kabura, agriaun, ortalán, lasairoo

Markujás tahan, lakeru dikin

Tua mutin tua sabu, banibeen puru

Reprezenta produtu lokál knua ha'u-nian

Negosiante kapitál mai kada semana

Hadau malu ba produtu lokál nian

Kadeira rota mai hosi suku Orlalan

Tua sabu saboritu suku Manelima

Bis ho angguna movimentu loron-loron

Hanesan hela  ho atividade kapitál

Rai ida malirin ha'u moris fatin

Kalohan matan udan tuir tempu

Iha tempu udan kalohan falun

Tempu bailoro anin hu sasiri, siri kokotere

Ne'e mak ambiente matak be klima saudavel

Nonoi ye Nonó we, mai ita filafali bá ita knua!
Ankay ye Kalow we mai ita filafali bá ita knua!

-o0o-