Na'i, Para Ona Ba (e.p 212)

(i)

Oho malu, sona malu, tá malu iha kintu kantu

Ha'u laran taridu, ha'u fuan ki’i

La'o iha lurón, isin makés

Isin makes ba problema foin mosu

 (ii)

Hahalok at ne’e mosu teki-tekir

Teki-tekir mosu sa’e iha kapitál

Ukun na’in kaer orden keta matan dukur

Keta husik lurón - mamuk iha kalan

 (iii)

Ukun na’in kaer orden, tau matan ba

Halo netik movimentu, iha bairru laran

Proteje netik ami, iha tempu susar

Fó netik konfiansa - mai povu ki’ik.

Na'i, para ona ba!

~::~