Kantór
ba Kampaña
Iha palku leten, ó hananu
ó-nia planu
Iha palku leten, ó fakar promesa
Iha palku leten, ó hatún adversáriu
Ó ke’e lia moruk, fakar lia midar
Ó lansa propaganda, fahe promesa
To’o dalan klaran tama kruzamentu
Ó finji lahatene, la’o la hateke
Ó la’o ó-nian, la liga rai
Ema ruma foti liman, finji la koñese
Ema balun husu dalan, finji lahatene
Ó hananu de’it iha tempu kampaña
Ó hamrók podér piñór promesa
Ó kuda promesa fuan laiha
Fuan laiha tan funan namlaik
Namlaik namtate morin oras baluk.
~o0o~