Sasán Folin Sa’e no Ai-Maran Prende Moos (e.p 223)

Mina kombustivel - folin sa’e as
Sasán loja no fos - folin sa’e duka
Sigarru lori moras - folin sa’e tun
Ami povu nia produtu - folin mantein.

-

Ha'u-nia ai-maran - folin mantein

Foin prepara - atu hodi hetan buat-rahun

Hetan buat-rahun - hodi sosa netik fos

Guarda Florestal - prende moos tiha.

- 

Povu ki’ik fila-liman - ho produtu lokál

Ema boot hakarak liu - sosa husi loja

Ema ki’ik nivel ki’ik - sosa ami-nian

Ema boot nivel as - sosa husi loja. 

~;;~