Dezastre Bele Oho Ema (e.p 243)

La'o karik iha dalan, tama ho kuidadu

Halai lurón leten, koko ho sentidu

Dezastre mosu mai, ita la espera

Tan de'it dezastre ema lakon vida.

Ohin loron, movimentu liu tiha uluk

Roda rua roda haat, zigzag bamai

La'o ho ain rua, hateke karuk loos

Hateke mós oin kotuk, ses ba dezastre

Tan de'it dezastre ema lakon vida.

.

Mangame Latuir Dalan (e.p 242)

Liana'in koalia  la tuir dalan

Ke'e hikas lia uluk hanesan labarik

Haksesuk malu nu'u ema beikteen

La hatudu an nu'u ema edukadu.

Iha kraik povu ki'ik halerik hela

Iha leten liana'in sukit malu lanahas

Ne'e ha'e ibun-na'in rai ne'e nian

Ibun-na'in liana'in tur uma fukun.

Abrigu ba Maksalak (e.p 241)

Ha'u rain doben nu'udar abrigu ba maksalak

Halo krime mota sorin, hakur Mota-Ain 

Kadiuk lamas buat-rahun, dolar mai Dili

Banku sisi laselu mai helik Dili

Mai subar mai helik finji isin moos

Lia anin baku subar foin deskobre.

Mosu fali foun ida krimozu tasi-balu husu protesaun

Tun hosi "liras-besi" mai koko rasik

Atu midar ka moruk mai koko rasik

Tun koko rai Lafaek tuku odamatan

Na'i loke odamatan mamar ho fuan

Matan fukun baku malu, lia midar funan buras haksolok tebes.

Hela helik rai Dili nu'u esperansa

Hakarak loos, hela metin to'o mate 

Ikus mai lia loos nakfakar, fase lia fo'er

Realidade nakfilak prega aljema

Tasi-balu bele dok dada besik fali

Fila hikas bá knua ho matanbeen.

Deportasaun ba Mr. Teves Junior fila ba Filipina

Saida mak Timor Aprende husi Prezensa Arnolfo Teves Junior

Eskritor: 

Antena Transparénsia Timor-Leste hosi Facebook

-

●Filipino Teves husu protesaun ba nia vida iha Timor, iha Filipina, Família vítima nebe nia oho husu justisa. Ita promove Justisa ka ita promove direitus humanus. Ka direitus humanus ba se? 

●Karik Arnolf kontinua iha Timor, ba futuru RDTL sai abrigu ba kriminozu tamba tane-ás konvensaun jenéva no direitus humanus. 

●Arnolf fila, tamba hakarak hatudu ezemplu ba nasaun seluk katak loron ida sidadaun Timor-Leste ruma mak hetan kazu hanesan ho Arnolf nian, ema seluk bele ajuda mos. 

●Timor-Leste la hetan benefísiu singnifikativu bainhira proteje Arnolf. 

● Arnolf mai tamba hare hetan TL nia seguransa no justisa fraku. 

● Arnolf nia prezensa lori autoriedade seguransa no justisa aprende oinsa fó assisténsia ba ema sira ho osan bo'ot. 

● Líder Nasionál sira tenke kuidadu ona atu hlo amigu  maibé Arnolf nian sei la iha influénsia ba Timor-Leste iha Mundu no Rezionál. 

● Ramos-Horta sei garante relasaun bilaterál ho Filipina tamba Arnolf nia asaun ba interese grupu ka privadu la'ós ba povu tomak ou kauza ida ba povu_(remata).

---------- o0o ----------

   Imajen hirak-ne'e foti hosi pájina facebook kona-ba deportasaun Arnolfo Teves Junior nu'udar sidadaun Filipina ne'ebé mai ho nia família iha abríl 2023 ho nia aviaun jet privadu, no momentu ne'ebá asesór prinsipal Gabinete Prezidente Longinhos Monteiro mak bá hasoru iha aeroportu lori tama mai Dili, no konsege hela iha Metiaut durante tinan 2 fulan 1 nia laran, maibé tenke deporta hikas bá Filipina ohin hosi aeroporto Nicolau Lobato ho aviaun Phipilines Airlines 142 ne'ebé mai duni hosi Filipina hodi tula nia.

   Familia daku liman ho matanbeen akompaña Mr. Teves nia deportasaun, tuir informasaun katak nia komete krime boot barak iha Filipina hanesan notísia barak be publíka ona iha média sosial. Mr. Teves deporta bá ona enkuantu nia família sei hela iha Dili, talvéz hodi hein tan interrogasaun ruma.

Hakmatek Maibé Manas (e.p 240)

Liamenon ohin la doko rai, maibé nakdoko no doko duni

Fujitivu ka Buronan mai helik-an iha rai doben Dili.

Timor-Leste nia ilas bele kamutis iha mundu oin

Timor-Leste nia naran bele noda metan iha mundu tilun

Arnolfo Teves Junior arrested in Dili Timor-Leste

Tansá makne'e ita sei hatene.//

---------- o0o ----------

Lalori Leten Sukat ho Kraik (e.p 239)

Koalia ba emar la tetu lia

Koalia ba públiku la sukat ibun

La hateke ba maluk la fihir malun 

Hahalok leten nian kraik laran susar.

Biban uluk knaer ida ikus knaer ida

Lalori lia uluk badan lia ikus

Hosi leten oin seluk kraik oin seluk 

La lori leten nian sukat ho kraik.

Tansá Mak Tenke Feriadu (e.p 238)

Tuir loloos ohin lalika feriadu

Tansá mak tenke toleránsia de pontu

Tansá oh tansá?

Hamaus funsionáriu sai barukteen

Fasilita funsionáriu tur hakma bolu malu hodi joga halek, awoh... ...

Toleránsia de pontu bele kria bainhira tama ba finadu

Bainhira tama mós ba tinan foun

No bainhira atu tama ba loron páskoa

Hodi tolera ita atu hatook  kondisaun

Tuir loloos ohin lalika feriadu.

Maluk, ó hasa'e bandeira ka lae?.

HABEMUS PAPAM (Ita-nia Papa iha ona)

Ita-nia Papa foun ho naran Robert Francisco Prevost, nia orijin mai hosi Chicago Estados Unidos de América ho títulu LEO XIV (Leão  Katorze).

Papa Leo/ Leão XIV nu'udar primeiru Papa ne'ebé mai hosi Estados Unidos de América (E.U.A)

Parabéns ba sarani no igreja katólika hotu-hotu iha mundu, parabéns mós ba reinu E.U.A!. Espera katak ulun boot E.U.A bele habelar mós domin ba mundu no Pauza lai atividade Funu nian ho nasaun seluk.

Viva Papa Leão XIV!

Viajen Natarbora mai Manatuto

Rekordasaun Abril 2003

Ekipa CAVR distritu Manatuto remata ona sira-nia knaar sosializasaun iha sub-distritu Natarbora no fila hikas mai Manatuto. Hamriil hosi ninin karuk mak: Carlito Pinto hateke hela ba Viqueque, Geraldo Armada Gomes uza kalsaun branco ho meias alta hateke hela ba Manatuto, Nilo Lay hateke ba Tionghoa, Celestino Tomas Karaen ho jaket kamufladu hateke ba Laclo, no ha'u ho boña azúl eskuru hateke hela ba kamera 😁😜, David Amanas ho kamera fila kotuk ba Kribas hodi foka ami, bainhira ami deskansa hola anin iha área Barique Manehaat nian hodi hein kolega seluk nebé sei tuir mai. 

Foto iha kraik hatudu Celestino T.S Karaen nu'udar koordenador ekipa CAVR Manatuto, enkuantu Geraldo Gomes no Ildefonso Pereira mak komisáriu rejionál Manatuto nian.(foto: David Amanas)

Bainhira Loos (e.p 237)

Rai doben oan ne'e falun ho mukit

Susar ida mosu mai mosu nabanaban

Ida tuan ladauk kotu tubun moris tan 

Fos folin sa'e duka susar kombate.

Maluk balun halerik tan eviksaun 

Atoni oan lun turu tan Naktuka

Pasiente halerik tan aimoruk

Profesores kontratadu lakon direitu

 Seidauk hakotu  mosu tan foun  ida, ulun boot - ulun moruk hili PTR.

Ulun sira Uma Fukun larona malu

Haksesuk malu hodi lakohi lakon

Povu ki'ik hato'o susar, leten larona

Leten larona la konsidera povu lian

Bainhira loos oh bainhira loos.

Rusa Tama Plaza

Ó le excelentíssimo sai fali eSentelismu, exelentiZmu hanesan loos Rusa tama Plaza.

Agradese ho Laran Todan Tebes (LTT) ba PR tanba bele aponta ona lider foun 1 tuir nia gostu. Biban ida tan atu ita hotu loke matan hodi hatene loloos.

Belun Di'ak iha Knaar Fatin (e.p 236)

Tinan sanulu resin-tolu liuba

Lolo liman hamutuk iha knaar matan

Haree malun nu'udar maun alin

Konsidera maluk nu'udar feton nan

La temi Kaladi ka Firaku

Laiha kulit mutin ka kulit metan

Ita mesak maun alin rai ne'e nian.

Pope Francisco

Pope Francisco (17-12-1936 - 21-04-2025)

-

From janitor… to the people’s pope.

Jorge Mario Bergoglio was born in Buenos Aires, Argentina — the son of Italian immigrants, raised in a humble working-class home. 

As a young man, he swept floors at a factory, studied chemistry, worked as a food technician, and even spent time as a nightclub bouncer to help pay the bills.

But his life took a dramatic turn when he answered a deeper calling.

He joined the Jesuits and was ordained a priest in 1969. Known for his quiet humility and unwavering dedication to the poor, he never sought power — but his values carried him upward. 

First a bishop, then archbishop, then cardinal.

And in 2013, he made history: the first Latin American pope. 

The first Jesuit pope. 

The first to take the name Francis — a sign of his devotion to simplicity, peace, and the forgotten.

He rejected the lavish lifestyle of the Vatican. 

He rode buses, carried his own bags, embraced outcasts, and washed the feet of the incarcerated.

He wasn’t just a pope. He was a symbol of compassion in power.  

Follow Project Nightfall for more stories of lives that changed the world. 🕊️

-

(Sei tradús ba tetun)

Opsaun 2 ba ita-boot atu hili

Opsaun 2 ne'ebé ita-boot atu hili mak:

(1). 5 minutus hamutuk ho Jesus

(2). 5 milloens tama ba ita- boot nia konta agora?

Belun sira, mai ita akompaña

Sinál Kruz tuir nasaun ida-idak nia lian

Hodi Aman, hodi Oan, no Espírito Santo sira naran, Amen!

Mai ita hotu harohan ba Na'i Aman Laran Luak, atu hodi tahan netik lafaek foun sira labele mai hafo'er ita-nia tasi.

Balixaun Budu Úniku Manatuto Nian

Dadersan de'it alin feto ne'e bolu boek no balixaun, ha'u mós bolu nia tur tiha hodi koalia. Nia fa'an boek oan piris isin 1 folin dolar 1, balixaun botir 1 folin dolar 10.

Oras-ne'e tempu boek nian, membru komunidade ne'ebé hela besik mota-ain sei bá suru boek oan  hodi prodús ba balixaun hanesan fa'an dadauk hosi alin Nina, feto kmo'ok oan ida mai hosi aldeia Ubrato suku Sau nian molok tama ba Manatuto laran, fatin ne'ebé motorista no pasajeiru sira sempre deskansa uitoan hodi koko katupa no ikan tunu, tau tiha aimanas hois tan derokbeen furak lahotu.

-----

Lian Galole: 

katupa=nalun, deroksín=tugar, sukaer=imale, aimanas=us, bikan=ha'i, kanuru=nuru, tudik=sihit, bee=we.

Timor Telecom La'o Tuir Lenuk (e.p 235)

Timor Telecom

Ita hotu nia ligasaun

Ó xupa dolar furak loos

Ó dolar hanesan Lenuk 

Karik tanba rai-nakdoko 

Nakdoko tama Timor-Laran 

 Doko to'o ó ain uat sin 

Nakfilak to'o asam urat

Ó-nia haksolok kliente laran susar.

Selamat hari raya Idul Fitri 2025

(Indonesia)

Momen terindah di hari ini bagi UMAT ISLAM adalah untuk saling bersilaturahmi dan bermaaf maafkan di hari yg Fitri ini. Selamat berIdul Fitri rekan-rekan muslim ku, semoga kedamaian tersebar ke seluruh umat di muka bumi ini.

----------

(English)

Happy Eid al-Fitr

The most beautiful moment today is to forgive each other. Happy Eid Al-Fitr to my fellow Muslims, may peace spread to all in the world.

----------

(Tetum)

Kmanek loron Idul Fitri

Loron kmanek ohin ba belun Musulmanu sira hodi hasoru no perdua malun iha loron Fitri ohin nian. Kmanek Idul Fitri ba ha'u belun Musulmanu sira. Hein katak dame ohin nian bele belar ba ema hotu iha mundu rai klaran.

----------

(foto kortejía hosi google)

Governu planeia taka EP no IP

PM deklara atu taka hotu EP & IP tanba simu osan boot maibé lahalo serbisu. Se nuné oinsá ho Asesor barak², funsionáriu kontratadu barak² nbé dadér bá asina deit lista prezensa maibé laiha serbisu ba sira. Sira hirak-ne'e atu mantein nafatin?

Oinsá mós ho MS nbé la ezekuta orsamentu ho adekuadu?

EP & IP hahú kria hosi gov AMP nian iha 2007 mai leten hahú hosi RTTL,EP nst, 8⁰ gov hatutan, no ikusmai 9⁰ gov mak atu deside bele kontinua ou tenke TAKA.

Tanba PM haree katak sira lahalo serbisu, maibé tansá mak uluk tenke harii? 

PM tenke iha onestidade bainhira taka instituisaun EP&IP tenke hamenus ka downsizing mós ba funsionáriu ne'ebé lahalo serbisu no manán saugati de'it osan povu nian.

-

Haluha Tanba sa (e.p 234)

Belun sira keta haluha

Bainhira le tiha

Tau netik komentáriu iha fatin ne'e 

Nu'udar sinál nu'u matadalan 

Hodi sukat kualidade knaar ne'e nian

Atu di'ak ka lae  

Tau netik liamenon oan ida

Tatoli furak ida 

Ha'u hodi hadi'a hakat oinmai

Ha'u hodi halo tuir belun nia tatoli

Funan buras ba belun sira-nia vizita. 

~::~