Ha'u rain doben nu'udar abrigu ba maksalak
Halo krime mota sorin, hakur Mota-Ain
Kadiuk lamas buat-rahun, dolar mai Dili
Banku sisi laselu mai helik Dili
Mai subar mai helik finji isin moos
Lia anin baku subar foin deskobre.
Mosu fali foun ida krimozu tasi-balu husu protesaun
Tun hosi "liras-besi" mai koko rasik
Atu midar ka moruk mai koko rasik
Tun koko rai Lafaek tuku odamatan
Na'i loke odamatan mamar ho fuan
Matan fukun baku malu, lia midar funan buras haksolok tebes.
Hela helik rai Dili nu'u esperansa
Hakarak loos, hela metin to'o mate
Ikus mai lia loos nakfakar, fase lia fo'er
Realidade nakfilak prega aljema
Tasi-balu bele dok dada besik fali
Fila hikas bá knua ho matanbeen.
