Lolo liman ba malu la’o bá oin (e.p 114)

Ó la husik ó-nia oan mai ho ha’u

Ó ema karaktén haree de’it ó-nia an

Ó lori ó-nian buka di’ak de’it.

Ha’u bolu sira atu mai hamutuk

Hakarak hakoak ema hotu-hotu

Lolo liman ba malu la’o bá oin.

-

Manu Aman Mean (e.p 113)

Ha’u-nia manu aman mean manán duni

Hafetu hotu tiha semo torre leten

Semo torre leten basa liras kokorek

Kokorék haksolok futu tuir oras.

Manu aman mutin lakon hodi oin

Hakdasak bulelu semo labele

Semo labele tan kalilin kanek

Kalilin kanek be liras mós tohar

-

Loke Leet Odamatan (e.p 112)

Hori bainhira ó mai buka ha’u

Ó tuku odamatan ha’u loke hela

Ha’u lok bua-malus ó mama tiha

Ó hato’o ó resan ha’u mós simu

Ha’u simu haksolok hodi hein menon

Menon ita-rua nian tuur hamutuk

Tuur hamutuk iha biti boot.

Hori sehik ó kasu rekadu ho resan foun

Resan foun namlele nu’u kakeu

Nu’u kakeu anin hu bamai. 

-

La'o Lakon Te De'it (e.p 111)

Ha’u bolu nia atu mai hamutuk
Hamutuk laran ida, fó liman ba malu
Tane lisuk naha todan, kaer lisuk knaar ida
La simu ha’u lian, la katak lian midar
Fila kotuk bá daudaun, la’o lakon te de’it.
Nia hakarak liu atu sai mandór
Hakarak de’it atu sai maun boot
Fila kotuk bá daudaun la’o lakon te de’it.
*

(Poema ne'e hakerek no foin publika ba facebook ohin kalan, oras ida liubá)

 

Konsulta Polulár 30 de Agostu '99 (e.p 110

Konsulta Polulár

Prepara-an ba votasaun
Prepara sasán halai sa’e foho
Rona lian tatoli Chico Lopez nian

Lian murak alerta ba timoroan
Otonomi menang darah menetes
Merdeka menang darah mengalir.

-

(Poema ne'e hakerek no publika ba facebook iha loron Kuarta-feira 30 de Agostu liubá)

 

To’os no Natar ne’e Na’in ba Sé (e.p 109)

To’os boot ida-ne’e na’in ba sé
Ha’u bolu ó atu mai lere lisuk

Natar boot ida-ne’e na’in ba sé
Ha’u bolu ó atu mai halai lisuk

Tatoli beibeik bolu beibeik
Hetok tan hasoru mukit liután.

-

(Poema ne'e hakerek no publika ba facebook iha loron Kinta-feira 9 de Agostu liubá)

Buka Dalan Foun (e.p 108)

Rai manas naresin papá halai sai
Kolu hela faru-manas papá halai sai
Halai sai tiha hodi buka anin livre
Buka anin livre, buka mós dalan foun.

Oan sira hakfodak ibun kulit tabele
Sente fuan ki'i, matan-been mós suli
Papa sai tiha fila kotuk ba daudaun
Fila kotuk ba daudaun buka fali dalan foun.
-

(Poema ne'e hakerek no publika ba facebook iha loron Sábadu 5 de Agostu liubá)

 

La'ós Kaixote La'ós Jardín (e.p 107)

La'ós Kaixote hodi haloot Oportunista
La'ós Jardín hodi halibur Aikakeku
Ó haksoit sai, nia la buka tuir
Ó hakat mai fali nia la duni
Nia mantein pozisaun firme desididu
Tanba nia mak 'F' la'os 'O'.

-

(Poema ne'e hakerek no publika ba facebook iha loron Segunda-feira 24 de Jullu liubá)