Naha todan nakonu iha rai laran
Povu ki'ik hakmatek ho nia knaar
Ata oan la rona notísia foun
Rai boot balu, problema foun mosu
Jigante boot rua hahú bomba malu.
Bomba loron bomba kalan
Tarutu nakdoko rai seluk pániku
Manu besi semo as, muta sai
klak mean
Tarutu nadodon tama rai rua
Nakfakar naksulin sobu ema uman.
Povu ki'ik halai haksumik'an
Hakilar halai ho matabeen
Uma rahun hotu ona, ses dalan seluk
Sasán motuk hotu ona, ses buka moris
Koitadu, ema ki'ik sempre sai vítima
Koitadu, povu oan mate saugati.
Nu'udar alerta mai ita nobun
Rai doben oan ne'e bele sai vítima
Ahi funan mean bele semo mai
Bala musan semo sala, bele hedi ita
Tan de'it funu boot be foin mosu
Israel ho Iran la rende malu
La rende malu hodi hatudu forsa
Oras-ne'e virál iha era foun.
---
