Semana liubá estudantes universitárius sira nu'udar manifestante halibur hamutuk hodi hato'o aspirasaun ba Uma Fukun hodi eziji atu hapara sosa tan karreta luxu ba Liana'in sira, no tenke halakon ona PV ba eis deputadus no eis titular sira. Sira hakilar dehan Fernanda Na'okteen, maibé tuir ha'u, Fernanda la'ós na'okteen, tanba nia la halakon ka la na'ok osan ba nia-an, maibé de-faktu nia aprova lei sira hodi habokur sira-nia an mak hanesan LPV no ezijénsia sira-nian sosan tan k-65.
Liafuan na'okteen ezatu liu atu prega ba governu tanba ministériu sira ezekuta orsamentu la tuir dalan. PM mak tenke responsabiliza ba membru governu na'okteen sira. Iha ona sosiedade sivil no entidade barak inklui komunidade mak lamenta tanba ministériu balun la ezekuta orsamentu ho adekuadu, mak hanesan ministériu saúde, edukasaun, no agrikultura hanesan PM deklara katak minister of agriculture is doin noting.
Bainhira manifestante sira hakilar PPN Na'okteen, ministru sira hamnasa subar hodi kontente loos tanba sira hanoin katak sira mak moos liu hosi korrupsun, manifestante sira tuir loloos organiza tan demo bá iha resintu palácio governu tanba liafuan Na'okteen loos liu atu prega ba governu tanba Laho Gravatadu barakliu iha governu no la'ós iha parlamentu.
