Ha'u mak hanesan ó
ha'u nonók ha'u-nia fatin
Na'i bolu karik, ha'u sei lamosu
Liafuan kondekorasaun,
ha'u laiha direitu.
Hatudu-an palku leten
haluha rai tiha
Ho fuan haksolok
ó la sente-an,
Halo moe rai de'it
haluha ó-nia pasadu.
Iha ema lubun nia oin
ó hatudu jeitu loos
Balu piska matan ba malu
hodi tetak hela ó
Ó isin karau kulit
simu let valor boot.
Na'i domin laek
be hili sala ema,
Na'i domin laek
ba emar terus na'in,
Hasés tiha emar seluk
be merese liu ó,
Sorte be ó la'ós ha'u.
--- o0o ---
No comments:
Post a Comment