Rin Besi-Asu (e.p 106)

Ó rin fafulu talin hudi kos
Ha'u rin besi-asu talin korrente
Ó haksoit bamai tuir ó-nia ritmu
Ha'u tuba rai metin mate bandeira hunÓ hanoin didi'ak tetu didi'ak
Ita rua maun alin rai Timor nian

-

(Poema ne'e hakerek no publika ba facebook iha loron Sábadu 22 de Jullu liubá)

 

Kampaña Finál Ohin Loraik (e.p 105)

Biti renda mean, nahe Tasi-tolu
Nahe tomak Tasi-tolu, resin Dili laran
Kumu liman haklalak, viva Manu Mean
Daku lisuk bandeira, viva Manu Mean

Lalatak matebian, tara hek ba malu
Baku hek lalatak, tara ba ita.

-

(Poema ne'e hakerek no publika ba facebook iha loron kuarta-feira 19 de Jullu liubá)

 

Lian Karau Timur (e.p 104)

Lian boot, lian karau timur
Fuk mutin fulun kakatua
Matan piskadór, dada ema barak lemo rai laran
Naran morin lemorai morin iha mundu
Nu’udar aifunan Timoroan nian

Ida-ne'e lian boot, lian karau timur
Matan kro’at ladún hamnasa la gosta halimar
Lian bokar lian kro’at ema barak gosta
Badak oan ho planu nabilan
Planu be nabilan atu harii futuru.

*

(Poema ne'e hakerek no publika ba facebook iha loron tersa-feira 18 de Jullu liubá)

 

Fiar An La’o Ba Oin (e.p 103)

Na’ok sinku sentavus… kaer!

Emília Pires na’ok Des sentavus

Fiar an la’o bá oin…

Subar an metin iha tasi-balu.

Promesa baratu implementasaun fraku

Korruptór seluk subar metin kurtina kotuk

Hafuhu saida mak ema ko’alia

Rona saida mak ema preokupa

Finji lahatene, la’o bamai buat ida la kona

-
(Poema ne'e hakerek no publika ba facebook iha loron domingu 9 de Jullu liubá)

Sesé mak Imi C mak Ami (e.p 102)

Sesé mak Imi C mak Ami

Rai lulik ida-ne’e hun hosi ne’ebé

Foho lulik ne’ebá na’in ba C

Tasi belar ne’ebá na’in ba C

Kalohan ne’ebá mosu hosi ne’ebé

Sira na’in ba C, oan ba C

Sesé mak imi C mak ami.

Ita hotu nu’udar rai nia na’in

Ita hotu nu’udar rai nia oan

Ita hotu nu’udar maromak oan

Ita hotu ran ida, ran lafaek

Tasi-feto tasi-mane ita hotu nian

Sesé mak imi C mak ami.

~o0o~