Matan Moris Neon Na’in (e.p 117)

Oan, ó boot daudaun ona

Prepara an hasoru dezafiu

Aman ha’u halai dala-tolu ona

Setenta-sete, noventa-nove, doizmil-seis

Oan, ó klosan daudaun ona

Haree prepara an

Prepara bukae,

Keta ses hosi ha’u sorin

Oan, halót o-nia sasán

Ita sei halai dala-ida tan

Ita la sa’e motór, la sa’e Prado

Ita sei halai ho ain tanan.

Oan ... 

Hakmatek ba, se tilun netik

Tuur matan moris tuur neon na’in

Tarutu lian karik ita sei halai.

~o0o~

Domin Laek (e.p 116)

Domin laek

Klamar laek

Laran metan

Kakutak fo’er

Mentalidade sobudór

Povu hakmatek ho laran susar

Povu hakmatek la’ós apoia imi.

*

(hakerek iha loron 19 de Outubru, ohin dadersan no publika kedas iha facebook)

Haree Rasik Ho Matan (e.p 115)

Vota ba Prado

Vota ho unanimidade

Vota ba Povu nia moris

Bloku Opozisaun Vota kontra

Sira lakohi atu povu moris di’ak!

Povu harohan hamaus Na’i Ulun sira

Fó liman ba malun hadomi ami povu

Na’i ulun tilun diuk Na’i ulun domin laek

Programa di'ak sira vota kontra.

**

(hakerek iha loron 19 de Outubru kalan no publika kedas iha facebook)

Lolo liman ba malu la’o bá oin (e.p 114)

Ó la husik ó-nia oan mai ho ha’u

Ó ema karaktén haree de’it ó-nia an

Ó lori ó-nian buka di’ak de’it.

Ha’u bolu sira atu mai hamutuk

Hakarak hakoak ema hotu-hotu

Lolo liman ba malu la’o bá oin.

-

Manu Aman Mean (e.p 113)

Ha’u-nia manu aman mean manán duni

Hafetu hotu tiha semo torre leten

Semo torre leten basa liras kokorek

Kokorék haksolok futu tuir oras.

Manu aman mutin lakon hodi oin

Hakdasak bulelu semo labele

Semo labele tan kalilin kanek

Kalilin kanek be liras mós tohar

-

Loke Leet Odamatan (e.p 112)

Hori bainhira ó mai buka ha’u

Ó tuku odamatan ha’u loke hela

Ha’u lok bua-malus ó mama tiha

Ó hato’o ó resan ha’u mós simu

Ha’u simu haksolok hodi hein menon

Menon ita-rua nian tuur hamutuk

Tuur hamutuk iha biti boot.

Hori sehik ó kasu rekadu ho resan foun

Resan foun namlele nu’u kakeu

Nu’u kakeu anin hu bamai. 

-

La'o Lakon Te De'it (e.p 111)

Ha’u bolu nia atu mai hamutuk
Hamutuk laran ida, fó liman ba malu
Tane lisuk naha todan, kaer lisuk knaar ida
La simu ha’u lian, la katak lian midar
Fila kotuk bá daudaun, la’o lakon te de’it.
Nia hakarak liu atu sai mandór
Hakarak de’it atu sai maun boot
Fila kotuk bá daudaun la’o lakon te de’it.
*

(Poema ne'e hakerek no foin publika ba facebook ohin kalan, oras ida liubá)

 

Konsulta Polulár 30 de Agostu '99 (e.p 110

Konsulta Polulár

Prepara-an ba votasaun
Prepara sasán halai sa’e foho
Rona lian tatoli Chico Lopez nian

Lian murak alerta ba timoroan
Otonomi menang darah menetes
Merdeka menang darah mengalir.

-

(Poema ne'e hakerek no publika ba facebook iha loron Kuarta-feira 30 de Agostu liubá)