Roman Lilin Páskoa (espresaun poétika XCVII (97)

Roman lilin Páskoa

Roman lilin Páskoa nian, leno ha’u matan 
Leno mós ha'u tilun, tama to'o fuan.

Leno ha’u matan, hodi haree ha’u dalan
Dalan luan mai ha'u, hetan ha’u domin.

Loke ha’u tilun, ba Na’i futar-lian 
Rona Na'i futar-lian, rona mós doben.

Leno ha’u fuan, hodi hadomi tuir banati

Hadomi ha'u doben, metin ho família.

Hadomi Na’i, hadomi mós Pátria

Ksolok santa Páskoa nian, ba imi nobun!

 -oOo-

Nota: Poezia ne’e ha’u hakerek iha Sábadu Aleluia kalan, ha’u tau iha facebook maizumenus tuku 2 madrugada tama ba Domingu Resurreisaun nian.