Friday, January 26, 2018

Mensajen PR ohin nian


Mensajen na’i Prezidente da Repúblika ohin iha Palásiu Prezidente:
Iha alínea ikus:
Mai ita hotu bá Vota filafali iha Eleisaun Antesipada hodi haforsa Demokrasia no Estadu de Direitu. Prezidente da Repúblika deside tuir artigu 86 alínea F Konstituisaun da Repúblika, atu disolve Parlamentu Nasionál!. Prezidente da Repúblika sei marka data ba Eleisaun Antesipada tuir Lei haruka,  Viva Timor Leste Livre no Intependente! Viva Demokrasia! Viva Povu Doben Timor Leste!

Thursday, January 25, 2018

Tatoli Foun (e.p 125)



Ohin kalan toba di’ak hodi hein menon
Menon foun Madohi kasu mai ita
Kasu mai ita sei belar ba malu
Belar da'et ba malu kaer knaar foun

Fulan neen nia laran hare la buras
Fulan neen nia laran hare la ko’a
Ita hotu sei simu menon foun mai
Tatoli mai ita kaer knaar foun
~o0o~

Wednesday, January 24, 2018

Foto Nu’udar Sasin (e.p 124)





Foto Nu’udar Sasin

Tesi fuk bonitu patarata loos
Koi moos hasarahun hasai tiha foto
Friza fuk kabeer hasai tiha foto
Pinta hotu liman-kukun hasai tiha foto
Hatudu ba kolega: ha’u makne’e
Hatudu mós ba doben katak foin mak prontu
Foin mak prontu doben hein tan uitoan
Hein tan uitoan ita rua sei bá
Ita rua hamutuk dalan ida de’it.
-.-

Tuesday, January 9, 2018

Kompadre Di’ak Ka Lae (e.p 123)




Ha’u seidauk fila, tan udan boot
Mota tun, anin boot, kalohan metin
Ha’u la’o tanan kohemama laek
Tama bairru sai bairru kohemama laek
Buat ruma karik sms bodik mai

Kompadre,
Lia aninmaus tama ha’u tilun
Tama mai ha’u tilun kasu rekadu
Kompadre ho planu atu loke inur foun
Inur foun atu dada emar ba Ean.
~o0o~